ორ ტაიბრეიკზე დამარცხდა - ბასილაშვილმა მადრიდში გამოსვლა დაასრულა

ნიკოლოზ ბასილაშვილმა მადრიდის მასტერსზე გამოსვლა პირველსავე წრეში დაასრულა.

საკვალიფიკაციო ეტაპზე 2 გამარჯვების შემდეგ, ქართველმა ჩოგბურთელმა ავსტრიელ სებასტიან ოფნერთან მატჩი ბრეიკით დაიწყო, თუმცა უპირატესობა ვერ შეინარჩუნა და ტაიბრეიკზე დამარცხდა, მეორე სეტში კი ორი სეტ-პოინტი ვერ გამოიყენა და საქმე ისევ ტაიბრეიკამდე მივიდა, რომელშიც ავსტრიელი უშეცდომო იყო - 6:7; 6:7.

ბასილაშვილმა მადრიდის მასტერსის ძირითად ბადეში 2022 წლის შემდეგ პირველად იასპარეზა.