UFC-ის მსუბუქი წონის ვარსკვლავმა, არმან ცარუკიანმა, RAF Wrestling-ის ღონისძიებაზე მოპოვებული იოლი გამარჯვების შემდეგ, თავის მეტოქეს, ცნობილ ინფლუენსერ Mugzy-ს კერძო თვითმფრინავით ერთად მგზავრობა შესთავაზა.
ტეხასში გამართული საღამოს პირველივე ორთაბრძოლაში ცარუკიანმა მოწინააღმდეგე პირველ პერიოდში, ორ წუთზე ნაკლებ დროში, ტექნიკური ფოლით დაამარცხა, მიუხედავად იმისა, რომ შეხვედრის საწყის ეტაპზე ინფლუენსერმა ქულის აღება მოახერხა.
სპორტსმენებს შორის მატჩის წინ დაპირისპირება და უთანხმოება არ ყოფილა. ბრძოლის დასრულების შემდეგ კი ცარუკიანმა მეტოქის მიკროფონთან მუშაობის უნარი და კულისებში გამოვლენილი თვისებები შეაქო, რის შემდეგაც ლას ვეგასში გასაფრენად საკუთარ ბორტზე მიიწვია. ინფლუენსერი თავიდან ბოლომდე დარწმუნებული არ იყო, თუმცა საბოლოოდ შეთავაზებას დათანხმდა და მათ სოციალურ ქსელში ერთობლივი ფოტოები და ვიდეოები გამოაქვეყნეს.
Mugzy-სთან შეხვედრის დასრულებისთანავე, არმან ცარუკიანმა UFC-ის ქვესაშუალო წონის ყოფილი დროებითი ჩემპიონი, კოლბი კოვინგტონი გამოიწვია. მათ შორის ოფიციალური ორთაბრძოლა RAF11 ტურნირის ფარგლებში, 18 ივლისს ჩაინიშნა. მანამდე კი, 13 ივნისს, ცარუკიანს კიდევ ერთი მატჩი ელის ტონი ფერგიუსონის წინააღმდეგ.
