მადრიდის რეალის მთავარმა მწვრთნელმა, ალვარო არბელოამ, გუნდის ლიდერის, ჯუდ ბელინგემის შესახებ ისაუბრა.
ინგლისელი ნახევარმცველი თებერვლის დასაწყისიდან ბარძაყის ტრავმის გამო ვერ თამაშობს და გავრცელებული ინფორმაციით, მას უქმობა ორ თვემდე მოუწევს.
არბელოამ ბელინგემის მნიშვნელობასა და მისი არყოფნით გამოწვეულ დანაკლისზე ემოციურად გაამახვილა ყურადღება:
„ერთი ხელის აწევა რომ შველოდეს მის გამოჯანმრთელებას, წამითაც არ დავფიქრდებოდი. ჩემი აზრით, ჯუდ ბელინგემი მსოფლიოს ერთ-ერთი საუკეთესო ფეხბურთელია — ლიდერი და მაგალითი ყველასთვის. მისი არყოფნა გუნდზე ისახება.
თუმცა მახარებს ის ფაქტი, რომ ასეთი მოთამაშის გარეშეც შეგვიძლია ბრძოლა და მაღალ დონეზე თამაში. ეს ჩვენი გუნდის სიძლიერეზე მეტყველებს.
პანორამიქსის ჯადოსნური სასმელი (პერსონაჟი კომიქსიდან „ასტერიქსი და ობელიქსი“) რომ მქონდეს, რათა ის ახლავე მწყობრში დამებრუნებინა, აუცილებლად გამოვიყენებდი“, — განაცხადა არბელოამ.
დღეს, 21 თებერვალს, ლა ლიგის 25-ე ტურში მადრიდის რეალი სტუმრად ოსასუნას დაუპირისპირდება.
