პარი სენ-ჟერმენს ჩემპიონობისთვის ქულა სჭირდება

საფრანგეთის ლიგა 1-ის 28-ე ტურში პარი სენ-ჟერმენი პარკ დე პრენსზე ანჟერს მიიღებს.

ლუის ენრიკეს გუნდი დღეს მინიმუმ ქულის მოპოვების შემთხვევაში საფრანგეთის ჩემპიონი ისტორიაში მეცამეტედ გახდება.

L'Equipe-ის ვერსიით პარიზული გუნდის სასტარტო შემადგენლობა ანჟერთან ასეთი იქნება:

დონარუმა; ჰაკიმი, ბერალდო, პაჩო, მენდეში; მაიულუ, ვიტინია, რუისი; დემბელე, რამოში, კვარაცხელია

ასე რომ, პარიზელებს შეუძლიათ ჩემპიონთა ლიგის 1/4 ფინალში ასტონ ვილასთან დაპირისპირებას ჩემპიონების რანგში შეხვდნენ, ხვიჩა კვარაცხელია კი ტოპ 5 ლიგებიდან იტალიის შემდეგ საფრანგეთის ჩემპიონიც გახდება.

პსჟ-სა და ანჟერის შეხვედრა 19:00 საათზე დაიწყება.