ფერმინ ლოპესის მწვავე პასუხი პერესს

ბარსელონას ნახევარმცველი, ფერმინ ლოპესი, მადრიდის რეალის პრეზიდენტის, ფლორენტინო პერესის იმ სკანდალურ განცხადებას გამოეხმაურა, სადაც პერესმა კატალონიური კლუბი ტიტულების მოპარვაში დაადანაშაულა.

მადრიდელთა პრეზიდენტმა ნეგრეირას მსაჯების საქმეზე კიდევ ერთხელ გაამახვილა ყურადღება და აღნიშნა: „მხოლოდ შვიდი ლა ლიგის ტიტული ჩემი პრეზიდენტობის დროს? რეალურად 14 მოვიგე, დანარჩენი კი მომპარეს. ჩვენ ვიდეოც კი მოვამზადეთ, სადაც ჩანს ის 18 ქულა, რომელიც მიმდინარე სეზონში წაგვართვეს.“

ფერმინ ლოპესმა გამოცემა Que Thi Jugues-თან ინტერვიუში ეს ბრალდებები კატეგორიულად უარყო და აქცენტი ბარსელონას ოქროს ეპოქის უპირატესობაზე გააკეთა:

ის, რაც ფლორენტინო პერესმა თქვა, სიმართლე ვერ იქნება, რადგან იმ გუნდში ლიონელ მესი, ანდრეს ინიესტა და ჩავი ერნანდესი თამაშობდნენ. შეუძლებელია, რომ ბარსელონას ლა ლიგის ტიტულები მოეპარა

სანამ მოედანს მიღმა სიტყვიერი ომი გრძელდება, ფერმინ ლოპესი, რომელსაც მიმდინარე სეზონში უკვე 30 საგოლე მოქმედება აქვს, ლა ლიგის ჩემპიონ ბარსელონასთან ერთად სეზონის დასკვნითი მატჩებისთვის ემზადება. კატალონიელები კვირას, 17 მაისს, ჯერ რეალ ბეტისს უმასპინძლებენ, ხოლო ექვსი დღის შემდეგ ვალენსიას ესტუმრებიან.

,,ახალ არჩევნებს ვნიშნავ" - ფლორენტინო პერესის სრული პრესკონფერენცია