ფლიკი: „ზედმეტად დიდ ყურადღებას აქცევთ ყველაფერს, რასაც იამალი აკეთებს"

ბარსელონას მთავარმა მწვრთნელმა, ჰანსი ფლიკმა, ლევანტესთან გამარჯვების (3:0) შემდეგ ლამინ იამალის უკმაყოფილებაზე ისაუბრა.

18 წლის ვარსკვლავი მატჩის 88-ე წუთზე შეცვალეს, მის ნაცვლად კი მოედანზე რუნი ბარდჟი გამოვიდა.

„ის გაბრაზდა? ეს ნორმალურია. ჩემთვის ყველაზე მნიშვნელოვანი ის არის, რომ მოვიგეთ. გარდა ამისა, გვყავს ფეხბურთელები, რომლებიც თამაშს იმსახურებენ, მათ შორის რუნიც. მომეწონა მისი განწყობა, როდესაც მოედანზე შემოვიდა.

თქვენ ზედმეტად დიდ მნიშვნელობას ანიჭებთ ყველაფერს, რასაც ლამინი აკეთებს. თუ ის იმის გამოა ნაწყენი, რომ შეცვალეს, ეს მხოლოდ და მხოლოდ ადამიანური თვისებაა“, — განაცხადა ფლიკმა.

ამ გამარჯვების შემდეგ ბარსელონა ლა ლიგის სატურნირო ცხრილში პირველ ადგილზე დაბრუნდა.