ფოტო: „შემდეგ რაუნდში სახლში წახვალთ", — რაფინია ატლეტიკოს ფანებს

ბარსელონას ნახევარმცველმა რაფინიამ ატლეტიკოს გულშემატკივრებს მიანიშნა, რომ ისინი ტურნირს შემდეგ რაუნდში დატოვებდნენ.

კატალონიელებმა პირველ მატჩში შინ ატლეტიკოსთან წააგეს (0:2), გუშინ კი მეტროპოლიტანოზე 2:1 გაიმარჯვეს, თუმცა ნახევარფინალში გასასვლელად ეს საკმარისი არ აღმოჩნდა.

მადრიდში გამართული მატჩის დასრულების შემდეგ, ბრაზილიელმა ფეხბურთელმა ემოციები ვერ შეიკავა. ის მასპინძელი გუნდის ფანების წინ დადგა და აქტიური ჟესტიკულაციით რამდენჯერმე დაუყვირა: „Para afuera“ (გავარდებით), რითაც მიანიშნა, რომ ნახევარფინალში მადრიდელები ტურნირს დაემშვიდობებოდნენ.

საბოლოოდ, სიტუაცია რაფინიას თანაგუნდელებმა განმუხტეს და ის გასახდელისკენ გაიყვანეს.