საქართველოს ეროვნული ნაკრების მთავარმა მწვრთნელმა, რამაზ სვანაძემ უნგრეთთან მატჩის წინ გამართულ პრესკონფერენციაზე გუნდის სამზადისსა და მოახლოებული შეხვედრის მნიშვნელობაზე ისაუბრა.
მწვრთნელის განცხადებით, მიუხედავად იმისა, რომ გუნდი ახალი ეტაპისთვის მომზადებაზეა ორიენტირებული, შედეგი თითოეული მატჩისთვის კვლავ პრიორიტეტულია:
რა თქმა უნდა, შედეგი ჩვენთვის მნიშვნელოვანია როგორც სატურნირო მდგომარეობიდან გამომდინარე, ისე ფსიქოლოგიური თვალსაზრისით საჭიროა დადებითი შედეგის დაფიქსირება. მოსამზადებელი ეტაპი უკვე დაწყებულია, თუმცა ეს არ ნიშნავს იმას, რომ ჩვენ შედეგზე უარს ვამბობთ.
სვანაძემ აღნიშნა, რომ ფეხბურთელებთან საუბარში ხაზი გაუსვა გამარჯვების როლს გუნდის ზოგად პროგრესსა და თავდაჯერებულობაზე:
დღესაც მქონდა ეს საუბარი ბიჭებთან, რომ ნებისმიერი გამარჯვება არჩეულ გზას აადვილებს. რაც დრო გავა, ჩვენი თამაში დაიხვეწება, მაგრამ ფსიქოლოგიურ ფაქტორს ყველაზე მეტად გამარჯვება აყალიბებს და ხვალ ყველაფერს გავაკეთებთ, რომ ეს შედეგი მივიღოთ.
