პსჟ ბარსელონას ვუნდერკინდის ტრანსფერზე მუშაობს

პსჟ-მ შესაძლოა ბარსელონას ნახევარმცველის, დრო ფერნანდესის შეძენა სცადოს.

მანამდე გავრცელდა ინფორმაცია, რომ 18 წლის ფეხბურთელმა გუნდის მთავარ მწვრთნელს, ჰანსი ფლიკს, ბარსელონას დატოვების გადაწყვეტილების შესახებ აცნობა.

RMC Sport-ის ჟურნალისტის, ფაბრის ჰოკინსის, ინფორმაციით, პარიზული კლუბის ხელმძღვანელობა ამ ვითარების გამოყენებას გეგმავს და ფეხბურთელს შეთავაზება უკვე გაუგზავნა. ამ ეტაპზე მხარეებს შორის მოლაპარაკებები მიმდინარეობს.

ფერნანდესის კონტრაქტის გამოსასყიდი თანხა 6 მილიონ ევროდ არის განსაზღვრული.

მიმდინარე სეზონში დროს ბარსელონას პირველი გუნდის მაისურით 5 მატჩი აქვს ჩატარებული (4 ლა ლიგაში, 1 ჩემპიონთა ლიგაზე), პოზიციურად ის შემტევი ნახევარმცველია, თუმცა ასევე მარცხენა ვინგერადაც შეუძლია თამაში.