26 წლის ამერიკელმა მებრძოლმა, ფატიმა კლაინმა UFC-ის გასულ ტურნირზე ტაბათა რიჩი დამაჯერებლად დაამარცხა და ზედიზედ მეოთხე გამარჯვება მოიპოვა.
ამ წარმატების შემდეგ „მთავარანგელოზმა“ მინიმალურ წონით კატეგორიაში რეიტინგში რვა საფეხურით დაწინაურდა და მეექვსე პოზიციაზე გადაინაცვლა. ახლა კი, როდესაც იგი საჩემპიონო ორთაბრძოლას უახლოვდება, სამიზნედ დივიზიონის ლეგენდა, ჟანგ ვეილი ამოიღო.
კლაინის თქმით, მას სურს, რომ სწორედ ჩინელ მებრძოლს დაუპირისპირდეს, თუ ეს უკანასკნელი თავის წონით კატეგორიაში დაბრუნებას გადაწყვეტს. ვეილის გასული წლის ნოემბრის შემდეგ არ უბრძოლია, როდესაც ზედა წონაში ვალენტინა შევჩენკოსთან დამარცხდა. ფატიმას მიაჩნია, რომ ჟანგთან გამარჯვება ყველას დაუმტკიცებს, რომ იგი ქალთა შერეული ორთაბრძოლების ახალი სახეა და ქამარზე ჩხუბის უფლებას საბოლოოდ მოუპოვებს.
გულშემატკივრები და ექსპერტები ფატიმა კლაინს ქალთა MMA-ის მომავლად მიიჩნევენ და მას სტილით ლეგენდარულ იოანა ენჯეიჩიკსაც კი ადარებენ. უზადო სადგომი პოზიცია და უმაღლესი დონის გრეპლინგი ამერიკელს ნებისმიერი მეტოქისთვის უდიდეს საფრთხედ აქცევს. თუ ეს ბრძოლა შედგა და კლაინმა ვეილის სძლია, მინიმალურ წონაში ახალი ეპოქა ოფიციალურად დაიწყება.
