სლოვაკეთის დედაქალაქ ბრატისლავაში მიმდინარე ბერძნულ რომაული ჭიდაობის 20-წლამდელთა მსოფლიო ჩემპიონატზე, საქართველოს ნაკრებმა მეორე მედალი მოიპოვა.
55 კგ. წონით კატეგორიაში, კობა ქარუმიძემ ფინალამდე სუპერ დამაჯერებლად გააღწია, სატიტულო შეხვედრაში კი ირანელ საადი შამსიპურჰაჯის დაუპირისპირდა და 2:12 დამარცხდა.
შედეგად, 19 წლის ქარუმიძე მსოფლიო ჩემპიონატის ვერცხლის პრიზიორი და ვიცე-ჩემპიონია, რაც მიმდინარე ტურნირზე საქართველოსთვის ყველაზე მაღალი შედეგია.
შეგახსენებთ, ჩვენს გუნდს პირველი მედალი მოუტანა საბა ფურცელაძემ (130 კგ.), რომელმაც მე-3 ადგილი დაიკავა და ბრინჯაოს პრიზიორი გახდა.
