სპორტის, ტურიზმისა და ახალგაზრდობის საერთაშორისო ფონდმა, საქართველოს მშვილდოსნობის ფედერაციასთან ერთად, ახალი პროექტის განხორციელება დაიწყო.
პროექტი 12-დან 14 წლამდე ასაკის მშვილდოსნების აღმოჩენასა და 2032 წლის ოლიმპიადისთის მათ მომზადებას ითვალისწინებს.
ფონდის დაფინანსებით, ოთხი ქართველი ახალგაზრდა მშვილდოსანი, მარიამ ნემსიწვერიძე, ანა სურგულაძე, ანა ყორშია და თეკლა რეხვიაშვილი საწვრთნელ შეკრებაზე თურქეთში იმყოფებოდნენ.
ესკიშეჰირის ტექნიკური უნივერსიტეტის სპორტული მეცნიერების ფაკულტეტის ბაზაზე მათ რამდენიმედღიანი მომზადების კურსი გაიარეს.
ასევე გაიმართა ტურნირი, რომლის პირად ჩათვლაში ანა სურგულაძემ ვერცხლის მედალი მოიპოვა, გუნდურ ჩათვლაში კი საქართველოს ნაკრები მეორე ადგილზე გავიდა.
ფოტო: სპორტის, ტურიზმისა და ახალგაზრდობის საერთაშორისო ფონდი
