ესპანეთის ლა ლიგა 2-ში ბურგოსთან მოპოვებული გამარჯვების შემდეგ ლევანტემ ლა ლიგის საგზური მოიპოვა, გიორგი ქოჩორაშვილმა კი პორტუგალიაში გადასვლის წინ თავისი ოცნება აიხდინა და პირობაც შეასრულა.
ქართველმა ნახევარმცველმა ლევანტეს გულშემატკივრებს მიმართა:
"ეს თქვენთვის არის, ამ გერბისთვის. გერბისთვის, რომელიც წარმოადგენს თავმდაბლობას, შრომასა და ძალისხმევას. არასდროს შეწყვიტოთ რწმენა. ძალიან მიყვარხართ, ყოველთვის იქნებით ჩემს გულში."
ლა ლიგა 2-ის ბოლო ტურში ლევანტე ეიბარს უმასპინძლებს, გიორგი ქოჩორაშვილი კი ვალენსიურ კლუბში თავის ბოლო მატჩს ჩაატარებს.
ქართველი კარიერას ლისაბონის სპორტინგში გააგრძელებს, რომელიც პორტუგალიის ჩემპიონი გახდა და მომავალ სეზონში ჩემპიონთა ლიგაზე ითამაშებს.
