მანუელ ნოიერს ჰკითხეს, არის თუ არა ის ყველა დროის საუკეთესო მეკარე.
„ვარ თუ არა ყველა დროის საუკეთესო? ამის თქმა რთულია - დამოკიდებულია იმაზე, რომელ ეპოქაზე ვსაუბრობთ.
ბევრი უმაღლესი დონის მეკარე არსებობს. ბოლო რამდენიმე ათწლეულში მინიმუმ ათია ასეთი. ყველას განსხვავებული სტილი აქვს. ძალიან სამწუხაროა, რომ კურტუა ასეთ მატჩს გამოტოვებს.
წარსულში იყვნენ შმეიხელი, ოლი კანი, კასილიასი, ბუფონი და ახლა არის კურტუა.
ნამდვილად იყვნენ ძალიან, ძალიან კარგი მეკარეები. ყველას თავისი ღირსება ჰქონდა. რთულია იმის თქმა, ვინ არის საუკეთესო.“ - განაცხადა გერმანელმა.
მანუელ ნოიერი რეალისა და ბაიერნის პირველი მატჩის საუკეთესო მოთამაშედ დასახელდა, გუნდებს შორის საპასუხო შეხვედრა 15 აპრილს ალიანც არენაზე გაიმართება.
