საქართველოს ლიგა 3-ში მეოცე ტურის მატჩები დასრულდა, თუმცა არ შეცვლილა მოცემულობა, რომ ლიდერი კვლავ დაუმარცხებელი იყოს.
არადა, ამის დიდი შანსი იყო, რადგან თბილისი 2025 ლოკომოტივ თბილისთან სტუმრად 63-ე წუთისთვის 0:3-ს აგებდა, თუმცა დარჩენილ დროში ანგარიშის გათანაბრება და ქულის გადარჩენა შეძლო. თბილისი 2025-ს ჩემპიონატში 28 ნოემბრის შემდეგ, 21 თამაშია არ წაუგია - 15 მოგება, 6 ფრე.
ტურის მთავარი მატჩი ლანჩხუთში, მეორეადგილოსან გურიასა და გონიოს შორის გაიმართა - გურულებმა 2:0 მოიგეს და ლიდერთან სხვაობა 3 ქულამდე შეამცირეს.
1. თბილისი 2025 (თბილისი) - 48 ქულა;
2. გურია (ლანჩხუთი) - 45 ქულა;
3. იბერია 1999 2 (თბილისი) - 37 ქულა;
4. გონიო (გონიო) - 35 ქულა;
5. მერანი (თბილისი) - 35 ქულა;
6. ორბი (თბილისი) - 33 ქულა;
7. დიდუბე (თბილისი) - 33 ქულა;
8. ვიტ ჯორჯია (თბილისი) - 32 ქულა.
ბომბარდირთა დავაში პირველ ადგილზე თბილისი 2025-ის გამოცდილი შემტევი, გურამ ლუკავაა, რომელმაც 17 გოლი მოაგროვა, დათა სიჭინავას (გურია) 15 გოლი აქვს, ხოლო თორნიკე კერესელიძეს (ორბი) - 14.
ცნობისთვის, ეროვნული ლიგა 2-ში პირდაპირ საუკეთესო 2 გუნდი გადავა, ხოლო მესამე-მეოთხე ადგილზე გასულები ზედა დივიზიონის მეშვიდე-მერვე ადგილზე გასულ გუნდებთან ორრაუნდიან პლეი-ოფს ითამაშებენ და საგზურის მოპოვებას ამ გზით შეეცდებიან.
ფოტო: ლოკომოტივი თბილისი
გურიას დიდი ნაბიჯი - ლიგა 3-ში ლიდერობისთვის ბრძოლა მაგრად იძაბება
