ალჯამეინ სტერლინგის განცხადებით, უმარ ნურმაგომედოვმა მერაბ დვალიშვილს მოულოდნელად დაარტყა, შემდეგ კი მისი გარემოცვის წევრებმა საბა ლაზიშვილი ძირს დააკავეს და თავში ფეხები ურტყეს.
სტერლინგის თქმით, ეს ყველაფერი მას შემდეგ მოხდა, რაც კამერები გამოირთო.
მას შემდეგ, რაც კამერები გამოირთო, უმარი მერაბთან მივიდა და მუშტი დაარტყა.
როდესაც გავიგე ყველაფერი, რაც ვიდეოს გადაღების დასრულების შემდეგ მოხდა, როგორ მივიდა უმარი და მოულოდნელად დაარტყა მერაბს, შემდეგ კი როგორ დააკავეს საბა, ხელები გაუკავეს, რათა მისთვის თავში ფეხები დაერტყათ, ვფიქრობ, ეს მკვლელობის მცდელობაა. საერთოდ რაზე ვსაუბრობთ? ამ ადამიანების მიმართ პატივისცემას აღარ ვგრძნობ.
ამ ბიჭების მიმართ პატივისცემა მთლიანად დავკარგე. არაფერია ღირსეული ან ვაჟკაცური იმაში, როდესაც 8-10 კაცისგან შემდგარი ჯგუფით გადაადგილდები და ადამიანებს თავს ესხმი.
თანაც, ყველას კი არა, მხოლოდ ორ ადამიანს, რომლებიც თქვენზე გაცილებით პატარები არიან. იქ მყოფი ყველა მათგანი უფრო დიდი და ფიზიკურად ძლიერი იყო.
ხაბიბიც კი სპეციალურად ჩამოფრინდა, რათა ეს ბიჭები გადაერჩინა და მოლაპარაკებები ეწარმოებინა. მან საკუთარი გავლენა გამოიყენა. როგორც ჩანს, იქ ყველაფერს სწორედ ხაბიბი აკონტროლებს.
ეს ბიჭები მსგავსი ინციდენტების შემდეგ ყოველთვის ძალიან მსუბუქი სასჯელით ძვრებიან, ზოგჯერ კი საერთოდ არანაირი პასუხისმგებლობა არ ეკისრებათ“. - განაცხადა სტერლინგმა ESPN MMA-სთან.
შეგახსენებთ, რომ ნურმაგომედოვების გუნდი აბუ-დაბის ციხიდან უკვე გაათავისუფლეს.