რა უთხრა მესიმ ვოზინიას მატჩის შემდეგ?

მსოფლიო ჩემპიონატის 1/16-ფინალური მატჩი არგენტინასა და კაბო ვერდეს შორის მართლაც დაუვიწყარი გამოდგა.

კაბო ვერდეს 40 წლის მეკარე ვოზინია არგენტინასთან მატჩში ბრწყინვალედ გამოიყურებოდა. მისმა თამაშმა მესის ყურადღებაც მიიპყრო და შეხვედრის შემდეგ არგენტინელმა ვარსკვლავმა განსაკუთრებული სიტყვები უთხრა.

მატჩის შემდეგ მესისთან მივედი, ის ჩამეხუტა და მითხრა: ‘შესანიშნავი ხარ, შენით შენი ხალხი უნდა ამაყობდეს.’

„ეს ჩემთვის დაუჯერებელი იყო. ისეთი ადამიანისგან, როგორიც ლეო მესია, ასეთი სიტყვების მოსმენა ძალიან ბევრს ნიშნავს. მსგავსი მომენტები სამუდამოდ რჩება გულში.“ - განაცხადა ვოზინიამ.

კაბო ვერდეს ნაკრების მეკარეს კონტრაქტი პორტუგალიის მეორე ლიგის კლუბ ჩავესთან უკვე ამოიწურა.

ESPN-ის ინფორმაციით, ის კარიერის გასაგრძელებლად ბრაზილიაში გადასვლის შესაძლებლობას განიხილავს. გამოცემის ცნობით, ვოზინიას კვლავ სურს პროფესიონალურ დონეზე თამაში.

მსოფლიო ჩემპიონატზე ნაჩვენები შთამბეჭდავი თამაშის შემდეგ, სავარაუდოდ, მას რამდენიმე საინტერესო შეთავაზება ექნება.