ნიონში გამართული ერთა ლიგის პლეიოფის წილისყრის შედეგების მიხედვით, საქართველოს ნაკრები B ლიგაში ადგილის შესანარჩუნებლად ფარერის კუნძულების გუნდს დაუპირისპირდება.
პირველი შეხვედრა 27 მარტს ფარერის კუნძულებზე გაიმართება, საპასუხო მატჩს კი საქართველო 30 მარტს უმასპინძლებს.
წილისყრის შედეგები საქართველოს ნაკრების მთავარმა მწვრთნელმა, რამაზ სვანაძემ შეაფასა:
თანამედროვე ფეხბურთში ყველა მეტოქე დასაფასებელია. ამ ეტაპზე მნიშვნელობა არ ჰქონდა, რომელი გუნდი შეგვხვდებოდა. ჩვენი მიზანი უცვლელია - კვლავ B დივიზიონში თამაში. ამისთვის კი, პირველ რიგში, მნიშვნელოვანია, თავად ვიყოთ სათანადო მდგომარეობაში და შესაბამისად, პლეიოფის რთულ მატჩებს მაქსიმალურად მომზადებულები შევხვდეთ.