Radio Vila-real-ის ჟურნალისტების, ხავი მატასა და ვიქტორ რუბიოს ვერსიით, 22 ნოემბერს ბარსელონასთან გასამართი ლა ლიგის შეხვედრისთვის ვილიარეალის სავარაუდო სასტარტო შემადგენლობაში ცვლილებებია მოსალოდნელი.
მათ სავარაუდო შემადგენლობაში შეტევის მთავარ დამრტყმელ ძალად გიორგი მიქაუტაძე მოიაზრება. მიქაუტაძის გვერდით ტანი ოლუვასეიია, რის გამოც სათადარიგოთა სკამზე აიოზე პერესი რჩება და სასტარტოში არც ნიკოლას პეპე გვხვდება.
გამოცემის სავარაუდო შემადგენლობა ასეთია: პეტერ გულაჩი, ალექს ფრიმანი, ლოგან კოსტა, რენატო ვეიგა, კარლოს რომერო, პაპე გეიე, კარლოს მასია, ტაჯონ ბიუკენენი, ალბერტო მოლეირო, ტანი ოლუვასეიი და გიორგი მიქაუტაძე.
მეორე ცვლილება დაცვის მარჯვენა ფლანგს უკავშირდება, სადაც სანტიაგო მოურინიოს მდგომარეობის ფონზე ალექს ფრიმანის კანდიდატურა განიხილება.
ეს ვარიანტი ინიგო პერესის ხელმძღვანელობით ხუთშაბათს სანაკრებო პაუზიდან დაბრუნებული ფეხბურთელების უმრავლესობის ვარჯიშში ჩართვის შემდეგ გაჩნდა.
ბარსელონასთან შეხვედრა 22 ნოემბერს გაიმართება, მთავარი მწვრთნელის საბოლოო გადაწყვეტილება კი დასკვნითი წვრთნების შემდეგ გახდება ცნობილი.