ჯორჯ რასელმა ბარსელონას გრან პრის კვალიფიკაციაში პოულ პოზიცია მოიპოვა.
დაძაბულ სესიაში მან ლუის ჰემილტონი და კიმი ანტონელი დაამარცხა, ხოლო შარლ ლეკლერი ავარიის გამო ბრძოლას გამოეთიშა.
მონაკოში იმედგამაცრუებელი გამოსვლის შემდეგ, მერსედესის პილოტი მთელი კვალიფიკაციის განმავლობაში ერთ-ერთი ყველაზე სწრაფი იყო და მისი შესანიშნავი წრე (1:14.679) კონკურენტებისთვის მიუწვდომელი აღმოჩნდა.
ამ შედეგით რასელმა სეზონში მესამე პოულ პოზიცია მოიპოვა.
ლუის ჰამილტონმა ბოლო მცდელობით პირველი რიგი დაიბრუნა და კიმი ანტონელი მე-3 ადგილზე ჩამოაქვეითა. ეს იტალიელი ახალბედისთვის გრან პრის კვალიფიკაციაში სეზონის ყველაზე დაბალი შედეგი აღმოჩნდა.
ლანდო ნორისი მე-4 ადგილზე გავიდა, ხოლო მის უკან რედ ბულის პილოტები მაქს ვერსტაპენი და ისაკ ჰაჯარი განლაგდნენ.
მაკლარენის მეორე მრბოლელმა, ოსკარ პიასტრიმ, მე-7 ადგილი დაიკავა.
შთამბეჭდავი კვალიფიკაცია ჩაატარეს რეისინგ ბულსის ლიამ ლოუსონმა და აუდის ნიკო ჰულკენბერგმა, რომლებმაც შესაბამისად მე-8 და მე-9 პოზიციები დაიკავეს.
მიუხედავად იმისა, რომ ლეკლერი სესიის უმეტეს ნაწილში ლიდერთა ჯგუფში იმყოფებოდა, Q3-ის დასაწყისში ის ბარიერებს შეეჯახა და წრის დაფიქსირება ვეღარ შეძლო. შედეგად, მონეგასკი რბოლას მე-10 პოზიციიდან დაიწყებს.
ვარჯიშებზე ძლიერი გამოსვლის მიუხედავად, არვიდ ლინდბლადმა Q3-ში გასვლა ვერ მოახერხა და მე-11 ადგილი დაიკავა. მოგვიანებით მან განაცხადა, რომ პირველ მოსახვევში ენერგიის განაწილების პრობლემა ჰქონდა.
მის უკან აუდის მეორე პილოტი გაბრიელ ბორტოლეტო და ფრანკო კოლაპინტო გავიდნენ, რომელმაც თანაგუნდელ პიერ გასლის აჯობა. ფრანგი მე-14 პოზიციაზე გავიდა.
გასლის უკან განლაგდნენ ოლი ბერმანი და კარლოს საინსი, რომელმაც საკუთარ ქვეყანაში სეზონის 2 რბოლიდან პირველისთვის მხოლოდ მე-16 ადგილი დაიკავა.
ჰაასის ესტებან ოკონი ყველაზე ახლოს იყო Q2-ში გასვლასთან, თუმცა საბოლოოდ მე-17 ადგილზე დარჩა. მის გვერდით, მე-18 პოზიციაზე, ალექს ალბონი განლაგდება, რომელმაც საკმარისი გაუმჯობესება ვერ მოახერხა, რათა თანაგუნდელის მსგავსად საუკეთესო 16-ში მოხვედრილიყო.
Q1-დან კვალიფიკაციას ასევე გამოეთიშნენ კადილაკის პილოტები სერხიო პერესი და ვალტერი ბოტასი.
ასტონ მარტინის დუეტი - ლენს სტროლი და ადგილობრივი გულშემატკივრების ფავორიტი ფერნანდო ალონსო, რომლის ბოლო გამარჯვება სწორედ ამ ტრასაზე 2013 წელს დაფიქსირდა - სასტარტო ბადის ბოლო რიგს შეავსებენ.
