რაული მწვრთნელობას უბრუნდება - ვის გაწვრთნის რეალის ლეგენდა?

რაულ გონსალეს ბლანკო სამწვრთნელო საქმიანობას უბრუნდება.

ოვიედოს გასულ ტურში მოპოვებული გამარჯვებაც კი არ აღმოჩნდა საკმარისი ხულიან კალეროს თანამდებობის შესანარჩუნებლად.

მიუხედავად იმისა, რომ ოვიედომ კადისთან 3 ქულა მოიპოვა და ლა ლიგაში ასასვლელი პლეი-ოფის საგზურისთვის ბრძოლაში აქტიურად ჩაერთო, კლუბის მფლობელებმა მთავარ მწვრთნელთან თანამშრომლობის შეწყვეტა გადაწყვიტეს.

მის შემცვლელად მადრიდის რეალის ლეგენდარული ფეხბურთელი რაულ გონსალეს ბლანკო შეირჩა. ესპანელი სპეციალისტი გუნდს ჩაიბარებს და ლა ლიგაში დაბრუნებისთვის ბრძოლას უხელმძღვანელებს.

რაულმა მანამდე რეალის აკადემიასა და სარეზერვო გუნდში (კასტილია) მუშაობის მნიშვნელოვანი გამოცდილება დააგროვა.

რეალის ლეგენდისთვის ეს პროფესიულ ფეხბურთში მთავარი მწვრთნელის რანგში პირველი გამოცდილება იქნება. მანამდე რაული მრავალი წლის განმავლობაში რეალის ახალგაზრდულ სისტემაში, ლა ფაბრიკაში, მუშაობდა და კასტილიას ხელმძღვანელობდა.