რეალი ახალ კონტრაქტს არ სთავაზობს - მოდრიჩი მადრიდს ტოვებს?

ესპანური COPE-ს ჟურნალისტის მიგელ ანხელ დიასის ინფორმაციით, მადრიდის რეალმა გადაწყვიტა ლუკა მოდრიჩს ახალი კონტრაქტი არ შესთავაზოს.

წყაროს ცნობით, ეს კლუბის გადაწყვეტილებაა და არა ჩაბი ალონსოსი, რომელიც რეალის მწვრთნელი ხდება.

თუ არაფერი შეიცვლება, 39 წლის ლუკა შაბათს სანტიაგო ბერნაბეუზე თავის ბოლო მატჩს ჩაატარებს და მისი გაცილების ცერემონიაც აქ მოხდება.

ხორვატი ნახევარმცველი სამეფო კლუბს 2012 წელს ტოტენჰემიდან შეუერთდა, 13 წლის შემდეგ კი მოდრიჩი რეალის ისტორიაში ყველაზე ტიტულოვანი (28) ფეხბურთელია.