საქართველოს ფუტსალის ეროვნული ნაკრები კოსოვოსა და იტალიის წინააღმდეგ სათამაშოდ ემზადება.
ავთანდილ ასათიანის გუნდი თბილისში შეიკრიბა და მუნდიალის საკვალიფიკაციო ეტაპის მთავარი რაუნდის გადამწყვეტი შეხვედრებისთვის აქტიურ მზადებას შეუდგა.
ჩვენი გუნდი ორ მძიმე და პრინციპულ მატჩს გამართავს. 14 ოქტომბერს, 19:00 საათზე, თბილისის ოლიმპიურ სასახლეში კოსოვოს ნაკრებს უმასპინძლებენ (სადაც დასწრება თავისუფალია), ხოლო 20 ოქტომბერს სტუმრად იტალიას დაუპირისპირდებიან.
საკვალიფიკაციო მატჩებისთვის ნაკრები 15-კაციანი შემადგენლობით ემზადება, სადაც ადგილობრივი ჩემპიონატის ლიდერებთან ერთად ლეგიონერებიც ირიცხებიან.
