როდრი ვარჯიშზე უარს ამბობს? - ბარსაში გადასვლა ახლოვდება

მანჩესტერ სიტისა და ბარსელონას შორის მიმდინარე სატრანსფერო საგა კულმინაციას უახლოვდება.

მას შემდეგ, რაც ინგლისურმა კლუბმა კატალონიელთა ორი წინადადება (50 და 60 მილიონი) უარყო, 30 წლის ნახევარმცველმა სიტის ხელმძღვანელობას ოფიციალურად მოსთხოვა, რომ ვარჯიშებიდან გაეთავისუფლებინათ, სანამ კლუბები ტრანსფერის საბოლოო დეტალებს ათანხმებენ.

ფაბრიციო რომანოსა და სპორტული გამოცემების ცნობით, ბარსელონა მზად არის მესამე და უკვე საბოლოო შეთავაზება გააკეთოს, რომელიც 60-დან 80 მილიონ ევრომდე მერყეობს, ზუსტად იმ თანხის ფარგლებში, რასაც ქალაქელები თავიანთი ლიდერის სანაცვლოდ ითხოვენ.

მიუხედავად იმისა, რომ ფეხბურთელი ცოტა ხნის წინ მანჩესტერში დაბრუნდა, მისი ქმედებები და ტრანსფერის მიმართ არსებული მკაფიო პოზიცია ცხადყოფს, რომ ტრანსფერის დასრულება უახლოეს დღეებშია მოსალოდნელი.