როგორ შეაფასა ფრანგულმა მედიამ კვარა ლილთან?

პსჟ-მ ლიგა 1-ის მეორე ტურში ლილის წინააღმდეგ სტუმრად მძიმე მატჩი ჩაატარა და შეხვედრა ფრედ, 2:2 დაასრულა.

პარიზელებმა ბევრი შეცდომა დაუშვეს, თუმცა ვიტინიასა და კაპიტან მარკინიოსის ძალისხმევით ქულა მაინც გადაარჩინეს. ფრანგულმა მედიამ ფეხბურთელები ასე შეაფასა:

მატვეი საფონოვი (6.5) - გაშვებულ გოლებში ბრალი არ მიუძღვის, რამდენიმე მნიშვნელოვანი მოგერიება ჰქონდა.
ჰაკიმი (4) - ბევრი ირბინა, თუმცა ბოლო გადაწყვეტილებებსა და სიზუსტეში კვლავ უჭირს.
მარკინიოსი (6.5) - პირველ გოლზე სისწრაფეში ჩამორჩა მეტოქეს, მაგრამ დაცვაში მყარი იყო და დამატებულ წუთებზე გოლიც გაიტანა.
ვილიან პაჩო (5) - საუკეთესო ფორმისგან შორს არის, რადგან დაცვაში რამდენიმე პოზიციური შეცდომა დაუშვა.
ზაირ-ემერი (5) - მარცხენა მცველის უჩვეულო პოზიციაზე ბოლომდე იშრომა, თუმცა ბურთის ამოტანისას შეცდომები ჰქონდა.
ვიტინია (7) - მატჩის მთავარი გმირი. გაიტანა ბრწყინვალე გოლი და შეასრულა საგოლე გადაცემა.
ლუკას ბერალდო (4) - დაცვითი თვალსაზრისით სუსტი იყო და შესვენებაზე შეცვალეს.
ფაბიან რუისი (5) - დიდი ძალისხმევა გასწია, თუმცა პირველ ტაიმში მაინც წვალობდა.
მაგნეს აკლიუში (6) - პრესინგიდან ამოსვლისას კარგი მომენტები ჰქონდა, თუმცა მეტი სიმწვავე მართებს.
ფერან ტორესი (5) - აქტიური იყო და ბევრს ცდილობდა, მაგრამ საკმარისად მკვეთრი და შედეგიანი ვერ აღმოჩნდა.
დეზირე დუე (3) - სუსტი პირველი ტაიმი ჰქონდა და შესვენებაზე შეცვალეს.

დუეს ნაცვლად მოედანზე შემოსულმა ხვიჩა კვარაცხელიამ (5.5) თამაშს მეტი სიმწვავე და დინამიკა შემატა. ქართველმა შემტევმა შეტევის ხაზის გამოცოცხლება შეძლო, უფრო აქტიურად ჩაერთო კომბინაციებში და დაცვიდან ამოტანილ ბურთებს მეტი საშიშროება შესძინა, თუმცა გადამწყვეტი სხვაობის შექმნა საბოლოოდ მაინც ვერ მოახერხა.

მთავარმა მწვრთნელმა ლუის ენრიკემ აღნიშნა, რომ გუნდს ჯერ კიდევ ბევრი სამუშაო აქვს წინ, თუმცა ფეხბურთელების ბრძოლისუნარიანობა და ხასიათი დადებითად უნდა შეფასდეს.