ლილმა და პსჟ-მ ლიგა 1-ის მეორე ტურში დრამატული ფრე (2:2) ითამაშეს.
მატჩის ერთ-ერთი მთავარი ინტრიგა ახალგაზრდა იტალიელი სპეციალისტის, დავიდე ანჩელოტის სადებიუტო საშინაო მატჩი იყო სტად პიერ-მოუზე.
გამოცემა L'Équipe-ის ცნობით, კარლო ანჩელოტის შვილმა შესანიშნავი ტაქტიკური გეგმა მოამზადა და მოედანზე გუნდი იდეალურად მართა. მატჩის მიმდინარეობისას დავიდემ თავი გამოიჩინა თავისი მწვრთნელისთვის დამახასიათებელი ე.წ. „პოკერ ფეისით“ და აბსოლუტური სიმშვიდით.
ის შეუდრეკელი დარჩა როგორც მაშინ, როდესაც ლილმა ორი გოლი გაიტანა, ისე მაშინ, როდესაც პსჟ-მ დამატებულ წუთებზე ანგარიში გაათანაბრა.
იმის გათვალისწინებით, რომ ახალგაზრდა მწვრთნელს დაპირისპირება მოუწია თავის ერთ-ერთ კერპთან, ლუის ენრიკესთან, მისი უემოციო და თავდაჯერებული სტილი ძალიან ჰგავდა მამამისის ცნობილ ხასიათს.
აღსანიშნავია, რომ ეს იყო პირველი შემთხვევა, როდესაც კარლო ანჩელოტი ტრიბუნებიდან ადევნებდა თვალს შვილის ასპარეზობას მას შემდეგ, რაც დავიდე ივნისში ლილის მთავარ მწვრთნელად დაინიშნა.
