ნიდერლანდური ექსელსიორის ქართველი ნახევარმცველი ირაკლი ეგოიანი ბრწყინვალე ფორმაში იმყოფება.
მან მიმდინარე სეზონში ჩატარებულ შვიდ შეხვედრაში ორი გოლი და ხუთი შედეგიანი გადაცემა მიითვალა, რამაც ავტორიტეტული საიტის, Transfermarkt-ის ყურადღებაც მიიქცია.
შთამბეჭდავი სტატისტიკის ფონზე, ეგოიანის საბაზრო ღირებულება თითქმის ორმაგად, 1.8 მილიონი ევროდან 3.5 მილიონ ევრომდე გაიზარდა. ამ ცვლილების შედეგად, ის ექსელსიორის ყველაზე ძვირად ღირებული ფეხბურთელი გახდა და მეორეადგილოსან აიმენ სლიტს 1.5 მილიონით უსწრებს.
რაც შეეხება ზოგად სურათს, Transfermarkt-ის განახლებული მონაცემებით, საქართველოს მოთხოვნად ფეხბურთელებს შორის ეგოიანზე მაღალი საბაზრო ღირებულება მხოლოდ შვიდ მოთამაშეს აქვს:
ხვიჩა კვარაცხელია (140 მილიონი ევრო)
გიორგი მიქაუტაძე (30 მილიონი ევრო)
გიორგი მამარდაშვილი (28 მილიონი ევრო)
ზურიკო დავითაშვილი (12 მილიონი ევრო)
გიორგი კვერნაძე (8 მილიონი ევრო)
ოთარ კიტეიშვილი (5.5 მილიონი ევრო)
გიორგი ქოჩორაშვილი (4 მილიონი ევრო)
ცნობისთვის, ერედივიზიონის შვიდი ტურის შემდეგ ექსელსიორს 11 ქულა აქვს და სატურნირო ცხრილში მეშვიდე პოზიციას იკავებს.
გიორგი ეგოიანი და მისი გუნდი მომდევნო შეხვედრას 11 ოქტომბერს, თბილისის დროით 18:45 საათზე, გრონინგენის წინააღმდეგ გამართავენ.
