საქართველოს 18-წლამდე კალათბურთელთა ნაკრებმა ევრობასკეტის B დივიზიონში გამოსვლა დაასრულა.
ანატოლი ბოისას გაწვრთნილმა გუნდმა ტურნირის ბოლო მატჩში ხორვატია 2-ქულიანი სხვაობით დაამარცხა და მე-7 ადგილი დაიკავა.
საქართველოს ნაკრებს მათე ხატიაშვილმა, 13 ქულითა და 14 შედეგიანი გადაცემით, ულიდერა. დავით ფაჩულიამ 14 ქულა, 7 მოხსნა და 4 პასი დააგროვა, ხოლო მათე ყავლაშვილმა ანგარიშზე 16 ქულა (4 ზუსტი სამქულიანი) ჩაიწერა. ჩვენი გუნდის ცენტრმა, გიორგი დოხნაძემ 13 ქულა და 7 მოხსნა მიითვალა.
შეგახსენებთ, საქართველოს 18-წლამდელთა ნაკრებმა ჯგუფურ ეტაპზე ჩრდილოეთ მაკედონია, შვედეთი და ბოსნია დაამარცხა, ხოლო უნგრეთთან დამარცხდა და პლეი-ოფში მეორე ადგილით გავიდა, თუმცა 1/4 ფინალშივე ნიდერლანდებთან 29-ქულიანი სხვაობით წააგო (50:79) და ასპარეზობა ადგილების გასარკვევ შეხვედრებში გააგრძელა.
