VIDEO: ისევ შედეგიანი იყო - გაგუა საგოლე მოქმედების გარეშე მოედნიდან აღარ გადის

გიორგი გაგუა 2026-27 წლების სეზონს მაგარ ფორმაში შეხვდა და კიდევ ერთი საგოლე მოქმედება შეასრულა.

სლოვაკეთის NIKE LIGA-ს მე-2 ტურში, დუნაისკა სტრედას ქართველმა შემტევმა საგოლე პასი გააკეთა, მისმა გუნდმა კი ბანსკა ბისტრიცა 2:0 დაამარცხა.

გაგუამ ამხანაგურ მატჩში ბოლტონთან გოლი მიითვალა, შემდეგ კონფერენს ლიგის საკვალიფიკაციოს შეხვედრაში ველეზ მოსტარს გაუტანა, ჩემპიონატის გასულ ტურში კი რუჟომბეროკთან ასევე ასისტი ჩაიწერა აქტივში.

ახალგაზრდა ფორვარდს გასული სეზონის NIKE LIGA-ს 26 ტურში 2 გოლი, 3 საგოლე პასი ჰქონდა.

რაც შეეხება დუნაისკას კიდევ ერთ ქართველ ცოტნე კაპანაძეს, იგი მწვრთნელმა დაასვენა და კონფერენს ლიგის საკვალიფიკაციოს მატჩისთვის ამზადებს - სლოვაკური კლუბი ნიდერლანდურ ტვენტეს ხუთშაბათს სტუმრად ხვდება.