გიორგი მამარდაშვილის ლივერპულმა პრემიერ ლიგის საზაფხულო სერიის ბოლო მატჩი გამართა და ლიდს იუნაიტედთან 2:4 დამარცხდა.
ქართველი მეკარე, წინა ამხანაგური თამაშების მსგავსად, ძირითად შემადგენლობაში იყო და ამჯერად მოედანზე 90 წუთი გაატარა.
მერსისაიდელები, ჩემბერსისა და ვირტცის გოლებით, 2:0-ს იგებდნენ, თუმცა ბოლო ნახევარ საათში 4 გოლი გაუშვეს - კალვერტ-ლეუინმა დუბლი შეასრულა, ხოლო აარონსონმა და ლონგსტაფმა თითო-თითოჯერ შეაგდეს.
მამარდაშვილს 3 მოგერიება ჰქონდა, მაგრამ ორივე გუნდში ყველაზე დაბალი შეფასება მიიღო - Sofascore-მა 5.9 დაუწერა, ხოლო Flashscore-მა - 5.5.
ლივერპული ამერიკულ ტურნეში მიემგზავრება და იქ კიდევ 3 ამხანაგურ თამაშს ჩაატარებს - მონაკოსთან და კომოსთან (2-ჯერ). პრემიერ ლიგას 23 აგვისტოს, ნიუკასლთან გასვლითი მატჩით იწყებენ.
