საფეხბურთო კორუფცია ჩინეთში - გამოძიების შედეგად ყაზაიშვილის კლუბიც დაისაჯა

ჩინეთში ანტიკორუფციული კამპანიის ფარგლებში, სავარაუდო მატჩების გაყალბების გამო, ფეხბურთში საქმიანობა 73 ადამიანს აეკრძალა. ქულები კი 13 პროფესიონალურ კლუბს, მათ შორის ჩინეთის სუპერლიგის მოქმედ ჩემპიონ შანხაი პორტს ჩამოაკლდა.

შანხაი პორტი CSL-ის 2026 წლის სეზონს მინუს ხუთი ქულით დაიწყებს და იმ ცხრა კლუბს შორისაა, რომლებიც ჩემპიონატს ქულების უარყოფითი რაოდენობით დაიწყებენ. გასული სეზონის ვიცე-ჩემპიონ შანხაი შენჰუას 10 ქულა დააკლეს.

სულ 13 კლუბი დაჯარიმდა და ქულები ჩამოაკლდა, რომელთაგან ცხრა ჩინეთის სუპერლიგაში ასპარეზობს.

CSL-ის გასული სეზონის ვიცე-ჩემპიონი შანხაი შენჰუა და ტიანძინ ჯინმენ ტაიგერი იმ ოთხი კლუბის სიაში არიან, რომლებიც ლიგის დაარსებიდან (2004 წლიდან) არასდროს დაქვეითებულან. ორივე მათგანი -10 ქულით დაისაჯა. თითოეულ კლუბს ასევე 1 მილიონი იუანის (დაახლოებით 140,000 აშშ დოლარი) ჯარიმა დაეკისრა.

CSL-ის კიდევ სამი კლუბი - ცინდაო ჰაინიუ, ვუჰან თრი თაუნსი და შანდონგ ტაიშანი (ვაკო ყაზაიშვილის გუნდი) - 800,000 იუანით დაჯარიმდა, ხოლო ქულები შესაბამისად შემდეგი რაოდენობით ჩამოაკლდათ: -7, -5 და -6.

ჩინეთის ჩემპიონატის 2026 წლის სეზონი შემდეგი მოცემულობით დაიწყება: