საქართველოს ძიუდოისტთა ნაკრებმა 2025 წელს მოპოვებული მსოფლიო ჩემპიონის ტიტულის დაცვა ვერ შეძლო.
ქართველები მეოთხედფინალში უზბეკეთთან დაძაბულ ბრძოლაში, ანგარიშით 3:4 დამარცხდნენ.
გადამწყვეტი აღმოჩნდა +70 კგ წონით კატეგორიაში უმიდა ნიგმატოვას გამარჯვება, რომელმაც დამატებით დროში გადამწყვეტი ქულა მოიპოვა და მოქმედი მსოფლიო ჩემპიონებმა რეპეშაჟში გადაინაცვლეს.
თუმცა საქართველოს ნაკრები კვარცხლბეკზე ადგილის დათმობას ასე მარტივად არ აპირებდა. - წერს European Judo Union.
,,რეპეშაჟში ქართველები ოლიმპიურ ჩემპიონ საფრანგეთს დაუპირისპირდნენ და დღის ერთ-ერთი ყველაზე დასამახსოვრებელი შეხვედრა ჩაატარეს, რომელიც ანგარიშით 4:3 მოიგეს.
ამ გამარჯვებაში გადამწყვეტი როლი ორგზის ოლიმპიურმა ჩემპიონმა ლაშა ბექაურმა შეასრულა.
ქართველმა ძიუდოისტმა შეხვედრის მიმდინარეობისას ტრავმა მიიღო, თუმცა გადამწყვეტი ორთაბრძოლისთვის ტატამზე დაბრუნება მაინც მოუწია.
მიუხედავად იმისა, რომ ფიზიკურად აშკარად უჭირდა, ბექაურმა საკუთარ თავში ძალა გამონახა, ტატამზე დაბრუნდა და გუნდს გამარჯვებისთვის საჭირო ქულა მოუტანა.
ეს ქართველი ვარსკვლავის თავდადებისა და მებრძოლი ხასიათის კიდევ ერთი გამორჩეული გამოვლინება იყო.
აღსანიშნავია, რომ ინდივიდუალურ მსოფლიო ჩემპიონატზე ბექაურმა ასპარეზობა მოსალოდნელზე ადრე დაასრულა, როდესაც იაპონელ სანშირო მურაოსთან დამარცხდა.
საფრანგეთთან მოპოვებული გამარჯვების შემდეგ საქართველოს ნაკრებმა წარმატებული ასპარეზობა ბრინჯაოს მედლისთვის შეხვედრაშიც გააგრძელა.
ქართველი ძიუდოისტები ჩინეთის სახალხო რესპუბლიკის ნაკრებს დაუპირისპირდნენ და მეტოქე დამაჯერებლად, ანგარიშით 4:1 დაამარცხეს.
გადამწყვეტი გამარჯვება 2025 წლის მსოფლიო ჩემპიონმა და 2026 წლის მსოფლიო ჩემპიონატის ვერცხლის მედალოსანმა ეთერ ლიპარტელიანმა მოიპოვა, რითაც საქართველოს ნაკრებს მსოფლიო ჩემპიონატის კვარცხლბეკზე ადგილი კიდევ ერთხელ გაუნაღდა."
რომელ ადგილზე გავიდა საქართველო მსოფლიო ჩემპიონატის ჩათვლაში?
