საქართველოს რაგბის ნაკრების მომავალმა მწვრთნელმა, პიერ-ანრი ბრონკანმა თავად დაადასტურა, რომ ჩვენს გუნდს ზაფხულიდან ჩაიბარებს.
"საქართველოს ნაკრებთან კონტრაქტი ჯერ არ გამიფორმებია, მაგრამ ივლისში ამ გუნდის მთავარი მწვრთნელი აუცილებლად გავხდები", - განაცხადა პრესკონფერენციისას ამჟამად ფრანგული ბრივის დამრიგებელმა.
Adjarabet Arena 6 იანვარს წერდა, რომ ბრონკანსა და საქართველოს რაგბის კავშირს შორის შეთანხმება მიღწეული იყო და მის ჩამოსვლამდე ბორჯღალოსნებს მისივე მომავალი ასისტენტი, იტალიელი მარკო ბორტოლამი გაუძღვებოდა.
აღსანიშნავია, რომ პიერ-ანრი ბრონკანის მამა, ანრი ბრონკანი 2007 წლის მსოფლიო თასზე ბორჯღალოსნების სამწვრთნელო სტაფში კონსულტანტის რანგში მუშაობდა.
