საუდის პრო ლიგა ოქროს ბურთის მფლობელ უსმან დემბელეს ამბიციურ საზაფხულო ტრანსფერს საფუძველს უყრის.
Sky Sports News-ის ინფორმაციით, SPL-ის მაღალი რანგის წარმომადგენლები უკვე ახორციელებენ პირველად კონტაქტებს, რათა 2026 წელს პარი სენ-ჟერმენიდან ერთ-ერთი ყველაზე გამორჩეული ფეხბურთელი თავიანთ ქვეყანაში გადაიყვანონ.
მომავალ ზაფხულს მსოფლიო ჩემპიონატის შემდეგ, საფრანგეთის ნაკრების ფეხბურთელის საუდის არაბეთში გადაბირებისთვის მნიშვნელოვანი ფინანსური პაკეტი მზადდება, ეს პერიოდი ახლო აღმოსავლეთში მოთამაშეთა აქტიური ტრანსფერებით იქნება დატვირთული.
წამყვან ფეხბურთელებში საუდის არაბეთის ინვესტიციების პირველი ციკლი ამ წელს დასასრულს უახლოვდება, რადგან არაერთ ვარსკვლავს კონტრაქტი ეწურება. ამის ფონზე ქვეყანა ლიგაში ახალი ტალღის ტოპ ტალანტების მოზიდვაზე უკვე მუშაობს.
დემბელეს ამჟამინდელ კონტრაქტს კიდევ ორნახევარი წელი აქვს დარჩენილი. Sky Sports News-ის ცნობით, პსჟ მზად არის დემბელესთან ახალი ხელშეკრულების შესახებ მოლაპარაკებები დაიწყოს, თუმცა კლუბის პრეზიდენტის ნასერ ალ-ხელაიფის თქმით, ყველა ფეხბურთელი კლუბის ხელფასების სტრუქტურას უნდა მოერგოს.
