საუდის პრო ლიგის მე-19 ტურში ალ ნასრი ალ ხოლუდს ესტუმრა და 0-3 დაამარცხა.
შეხვედრის პირველი ტაიმი უგოლოდ დასრულდა, მატჩის მეორე ნახევარში კი სტუმრებმა 3 უპასუხო გოლი გაიტანეს.
47-ე წუთზე ანგარიში კრიშტიანუ რონალდუმ გახსნა, 53-ე წუთზე სხვაობა ორამდე მოჰამედ სიმაკანმა გაზარდა, 87-ე წუთზე კი კინგსლი კომანმა საბოლოო ანგარიში დააფიქსირა.
აღსანიშნავია ჟოაო ფელიქსის წვლილიც, რომელმაც რონალდუსა და სიმაკანის გოლების დროს საგოლე გადაცემა მიითვალა.
კრიშტიანუ რონალდუმ საუდის პრო ლიგის მიმდინარე სეზონში მე-17 გოლი გაიტანა და ბომბარდირთა დავაში აივან ტოუნის 1 გოლით ჩამორჩება.
რაც შეეხება ლეგენდარული პორტუგალიელის საერთო მაჩვენებელს, მისთვის დღეს გატანილი გოლი კარიერაში 961-ე აღმოჩნდა და ამ მომენტისთვის 40 წლის შემტევს 1000 გოლამდე 39 გოლი აკლია.
