სერხიო რამოსმა პარიზში გადასვლა არ ისურვა.
ფრანგული მედიის ინფორმაციით, გამოცდილ ესპანელ მცველს ახალი კლუბის ძიებაში სხვა პრიორიტეტები აქვს.
Foot Mercato წერს, რომ პარიზში 39 წლის ფეხბურთელის დამატების შესაძლებლობას განიხილავდნენ. კლუბში მას ხედავდნენ როგორც ლიდერული თვისებების მქონე მოთამაშეს, რომელსაც დაცვის ხაზის გაძლიერება და კლუბზე საზოგადოების ინტერესის გაზრდა შეეძლო.
თუმცა თავად რამოსი პარიზში გადასვლით არ არის დაინტერესებული. წყაროების ცნობით, ის კარიერის გაგრძელებას უფრო ცნობად და ამბიციურ პროექტში ამჯობინებს.
შეგახსენებთ, რომ დეკემბერში სერხიო რამოსმა მექსიკური მონტერეი დატოვა და მას შემდეგ თავისუფალი აგენტის სტატუსით იმყოფება.
ფრანგული პარიზი, რომელიც ლიგა 1-ში წელს ამოვიდა, 16 ტურის შემდეგ 16 ქულით მე-14 ადგილს იკავებს.
