სერხიო რამოსი მზად იყო სევილიაში უფასოდ ეთამაშა, თუმცა კლუბმა ტრანსფერი დაბლოკა.
Radio Marca-ს ინფორმაციით, 39 წლის მცველს სეზონის ბოლომდე ხელფასის გარეშე თამაში სურდა, რათა მშობლიურ გუნდს ლა ლიგაში ადგილის შენარჩუნებაში დახმარებოდა და კარიერა იქ დაესრულებინა.
მას შემდეგ, რაც სევილიას სპორტულმა დირექტორმა განაცხადა, რომ კლუბს ტრანსფერებისთვის ფული არ აქვს, ფეხბურთელის ძმა და აგენტი, რენე რამოსი, პრეზიდენტს დაუკავშირდა და უფასოდ თამაშის ვარიანტი შესთავაზა.
მიუხედავად ამისა, სევილიას პრეზიდენტმა გარიგება დაბლოკა. მიზეზი იმის შიშია, რომ მომავალში რამოსი შესაძლოა კლუბის აქციონერი გახდეს. სევილიასგან უარის მიღების შემდეგ, ესპანელი მცველი კარიერის გაგრძელებას მარსელში გეგმავს, თუმცა ფრანგულ კლუბთან შეთანხმება ჯერ ბოლომდე მიღწეული არ არის.
