რეალმა ლივერპულის მცველზე ნადირობა განაახლა — კონატე მადრიდელთა რადარზე დაბრუნდა

მადრიდის რეალმა ლივერპულის ცენტრალური მცველის, იბრაჰიმა კონატეს მიმართ ინტერესი განაახლა.

ფრანგი ფეხბურთელი ზაფხულში თავისუფალი აგენტი გახდება, თუ იქამდე კლუბთან კონტრაქტს არ გაახანგრძლივებს, რაც უკვე თვეებია ვერ ხერხდება.

ჟურნალისტმა მატეო მორეტომ Radio MARCA-ს ეთერში განაცხადა, რომ სამეფო კლუბი ზაფხულის სატრანსფერო პერიოდში ერთზე მეტი მცველის დამატებას გეგმავს. ეს გამოწვეულია იმით, რომ ანტონიო რუდიგერი და დავიდ ალაბა, დიდი ალბათობით, კონტრაქტების ამოწურვის შემდეგ გუნდს დატოვებენ. გერმანელს დარჩენის შანსი აქვს, თუმცა ეს მის სათამაშო ფორმაზე იქნება დამოკიდებული.

ბლანკოსი კონატეთი ადრეც ინტერესდებოდა, თუმცა მაშინ მისი ხელფასის მოთხოვნები და თამაშის დონე სერიოზულ დაბრკოლებად მიიჩნეოდა. ახლა რეალი კვლავ დააკვირდა საფრანგეთის ნაკრების ფეხბურთელის გარშემო შექმნილ სიტუაციას და ზაფხულში ის დაცვის გაძლიერების ერთ-ერთი მთავარი ვარიანტი იქნება.