კერიკის გეგმების მიუხედავად — ბარსელონა მარკუს რაშფორდს გამოისყიდის

ბარსელონამ მანჩესტერ იუნაიტედიდან მარკუს რაშფორდის გამოსყიდვის გადაწყვეტილება მიიღო.

კატალონიელებმა ინგლისელი ფორვარდი გასულ ზაფხულს იჯარით დაიმატეს, რომელიც 30-მილიონიანი გამოსყიდვის უფლებას ითვალისწინებდა.

ინგლისური წყაროების ცნობით, იუნაიტედის მთავარ მწვრთნელს, მაიკლ კერიკს, რაშფორდის დაბრუნება ძალიან სურდა და 28 წლის ფეხბურთელისთვის გუნდში საკვანძო როლის მინიჭებასაც გეგმავდა.

თუმცა, Diario Sport-ის ინფორმაციით, ბარსელონას ხელმძღვანელობა და სამწვრთნელო შტაბი რაშფორდის თამაშით კმაყოფილია. კლუბში გადაწყვეტილება უკვე მიღებულია — ბარსა 30-მილიონიან ოპციას გამოიყენებს. ეს თანხა განხილვას არ ექვემდებარება, რადგან მანჩესტერი დათმობაზე წასვლას არ აპირებს.

ბარსელონას მაისურით ჩატარებულ ბოლო ხუთ მატჩში რაშფორდის ანგარიშზე სამი გოლი და ორი საგოლე გადაცემაა.