შედეგიანი თამაში და ნაადრევად გაძევება - როგორ წარიმართა მერკვილაძის შეხვედრა?

ნიდერლანდებისა და ბელგიის გაერთიანებულ საკალათბურთო ლიგაში (BNXT) ალექსანდრე მერკვილაძის დონარ გრონინგენი სტუმრად ოკაპი აალსტთან 90:114 დამარცხდა.

ქართველი კალათბურთელი სასტარტო ხუთეულში გამოჩნდა და საკუთარი გუნდის რიგებში ერთ-ერთი საუკეთესო იყო.

მერკვილაძემ პარკეტზე გატარებულ 24 წუთში 19 ქულა და 3 მოხსნა დააგროვა. მატჩის მიწურულს მან 5 პერსონალური ჯარიმა მიიღო, რის გამოც მოედნის ნაადრევად დატოვება მოუხდა.

ოთხი ტურის შემდეგ დონარ გრონინგენის აქტივში 2 მოგება და 2 მარცხია. წარმატებული სტარტის შემდეგ ნიდერლანდურმა კლუბმა ზედიზედ მეორე შეხვედრა დათმო.

გუნდი მორიგ მატჩს ევროპის ჩრდილოეთის ლიგაში ვოლუნტარის წინააღმდეგ გამართავს, ხოლო BNXT ლიგაში მომდევნო ტურში ლეიდენს ესტუმრება.