,,შენმა შვილმა უკვე იცის, ვინ ვარ" - თოფურია ჯასტინ გეიჯის მამას

ჯასტინ გეიჯის მამას სჯერა, რომ ილია თოფურია ჯასტინისთვის ისეთი მეტოქეა, როგორიც უკვე არაერთხელ დაუმარცხებია.

„ჯასტინი ისევ კიდევ ერთ დაბალი ტანის ბიჭს ებრძვის და მან ძალიან კარგად იასპარეზა ჩენდლერის, ფიზიევის და კიდევ რამდენიმე მსგავს მეტოქესთან.

ამ ბრძოლაშიც ზუსტად იმავეს ვხედავ. სწორედ ამისთვის ვვარჯიშობდით. სწორედ ამას მიუძღვნა მან მთელი ცხოვრება.“

ილია თოფურიამ სოციალურ ქსელში ჯასტინის მამას პასუხი გასცა:

,,მამების იმედი. ჩემპიონებმა კი იციან.

ეს ისტორია ადრეაც მომისმენია: უფრო დიდი კაცები, უფრო ძლიერი კაცები, თითქოს უკეთესი კაცები. კაცები, რომლებიც ამბობდნენ, რომ მე უბრალოდ პატარა ბიჭი ვიყავი და მალე თავმდაბლობის გაკვეთილს მივიღებდი.

ყველამ ერთნაირად გაიგო სიმართლე. შენმა შვილმა უკვე იცის, ვინ ვარ მე. 15 ივნისს შენც გაიგებ.

18-0, PAPA." - წერს ქართველი ჩემპიონი.

UFC Freedom 250-ზე, რომელიც თეთრ სახლში 15 ივნისს გაიმართება, ილია თოფურია მსუბუქი წონის ქამრისთვის ჯასტინ გეიჯის დაუპირისპირდება.