შერკი: "მსოფლიოზე ყველას გასანადგურებლად მივდივართ"

ხუთშაბათ ღამით კოტ-დ’ივუართან განცდილი მარცხის (1-2) მიუხედავად, საფრანგეთის ნაკრებში პანიკის საფუძველი არ არსებობს.

ფრანგები რეიან შერკის გოლით დაწინაურდნენ, თუმცა მეორე ტაიმში აფრიკის 2023 წლის ჩემპიონებმა გუელა დუესა და ამად დიალოს გოლებით ანგარიშის შემოტრიალება შეძლეს.

კოტ-დ’ივუარელთა ქამბექი დიდიე დეშამის მიერ შემადგენლობის მასშტაბურ როტაციას დაემთხვა. შესვენებაზე ხუთი ცვლილება განხორციელდა, მატჩის დასასრულს კი სასტარტო ათეულიდან მოედანზე აღარცერთი მოთამაშე აღარ იმყოფებოდა. საფრანგეთის ნაკრები ჩრდილოეთ ირლანდიას ორშაბათს, მსოფლიო ჩემპიონატის მოსამზადებელი ციკლის ბოლო მატჩში შეხვდება, რის შემდეგაც ჩრდილოეთ ამერიკაში გაემგზავრება.

ექსპერტები საფრანგეთს ტურნირის ერთ-ერთ მთავარ ფავორიტად მიიჩნევენ, რადგან გუნდმა ბოლო ორ მუნდიალზე ფინალში გასვლა მოახერხა, 2018 წელს კი ჩემპიონიც გახდა. მატჩის შემდეგ TF1-თან ინტერვიუში ფავორიტის სტატუსზე თავად გოლის ავტორმა, შერკიმ გააკეთა კომენტარი:

ეს მარცხი არის პატარა განგაშის ზარი, რომელიც კონცენტრაციის შენარჩუნებაში დაგვეხმარება. ჩვენ მსოფლიო ჩემპიონატზე უბრალოდ ფავორიტის სტატუსით კი არ მივდივართ, არამედ ყველას გასანადგურებლად.