"შესაძლოა, პლანეტის ერთ-ერთი საუკეთესო თავდამსხმელი გახდეს." - ესპანური მედია მიქაუტაძეზე

ესპანეთის ლა ლიგის მორიგ ტურში გიორგი მიქაუტაძემ ბრწყინვალე თამაშით გამოიჩინა თავი.

მესტალიაზე, ვალენსიასთან დაძაბულ შეხვედრაში ქართველი თავდამსხმელი მოედანზე 65-ე წუთიდან ჩაერთო, შეხვედრის მიწურულს კი, კომპენსირებულ მე-6 წუთზე, კონტრშეტევაზე მცველებს გასცდა და გუნდს ურთულესი სამი ქულა მოუტანა.

VIDEO: გოოოოლ! - ჟორჟმა ვილიარეალს დერბი დამატებულ წუთებზე მოაგებინა

ესპანურმა მედიამ ქართველი ფორვარდის შედევრი და გუნდის წარმატება შეაფასა. რაიო ვალეკანოს მიმომხილველმა იონაი ამარომ აღნიშნა, რომ მიქაუტაძეს მსოფლიოს ერთ-ერთი საუკეთესო მოთამაშეობის პოტენციალი აქვს:

ისეთი გოლის გატანა, როგორიც მიქაუტაძემ მესტალიაზე გაიტანა, მხოლოდ მსოფლიო დონის ვარსკვლავებს შეუძლიათ. თუ ის გუნდურ თამაშს კიდევ უფრო გააუმჯობესებს, შესაძლოა, პლანეტის ერთ-ერთი საუკეთესო თავდამსხმელი გახდეს.

Radio Observer-ის წამყვანმა, ხავი ფელიპე მარტინესმა ხაზგასმით აღნიშნა, რომ ქართველი ვარსკვლავი მსოფლიო სპორტული საზოგადოებისგან მეტ ყურადღებას იმსახურებს:

მიქაუტაძემ უკვე გაუტანა ნაპოლის, ლივერპულსა და ვალენსიას. ის გაცილებით მეტ ყურადღებას იმსახურებს, რადგან მოედანზე ნამდვილი ლიდერია.