შვედური სასწაულის იმედზე - იბერია მალმიოს ესტუმრება

უეფას ჩემპიონთა ლიგის I საკვალიფიკაციო ეტაპის განმეორებით შეხვედრაში იბერია 1999 მალმიოს წინააღმდეგ ითამაშებს.

პირველი მატჩი თბილისში სტუმრების გამარჯვებით 1-3 დასრულდა. შვედების მხრიდან გოლები ბუსანელომ, ბოლინმა და ალიმ გაიტანეს.

შეხვედრის ბოლოს კი ქართულ გუნდს იმედი ახალწვეულმა რუსევიჩმა დაუტოვა.

თბილისური მატჩის შემდეგ მალმიო შვედეთის ჩემპიონატში ნორჩოპინგს დაუპირისპირდა და 3-1 დაამარცხა. გოლები ჰაკსაბანოვიჩმა, ბოლინმა და ეკონგმა მიითვალეს.

თამაშს ფრანგი რომან ლისორჟი განსჯის. მატჩი თბილისის დროით 21:00 საათზე დაიწყება.