მადრიდის ატლეტიკოს მწვრთნელმა, დიეგო სიმეონემ, ლა ლიგის ჩემპიონი ბარსელონა შეაქო, თუმცა საკუთარი გუნდის მიღწევებითაც იამაყა.
მიუხედავად იმისა, რომ კატალონიელებმა ესპანეთის ჩემპიონობა დამაჯერებლად მოიგეს, ატლეტიკო ერთადერთი გუნდი აღმოჩნდა, რომელმაც ისინი ორ სხვადასხვა ტურნირზე გაამწარა.
„ბარსელონა მსოფლიოში საუკეთესო ფეხბურთს თამაშობს. კლასიკოს ყურებისას მხოლოდ ერთ რამეზე ვფიქრობდი: ჩვენ ეს გუნდი ორჯერ გამოვაგდეთ, ღმერთო ჩემო!'“ - აღნიშნა სიმეონემ.
შეგახსენებთ, რომ ატლეტიკომ ბარსელონა წელს ესპანეთის თასიდან და ჩემპიონთა ლიგიდან გამოთიშა.
არგენტინელმა სპეციალისტმა ხოსე მარია ხიმენესის ტრავმაზეც ისაუბრა და დაადასტურა, რომ მცველის დაზიანება მსუბუქია და ის მსოფლიო ჩემპიონატისთვის მზად იქნება. ატლეტიკო სეზონს მეოთხე ადგილზე ასრულებს, თუმცა სიმეონე დარჩენილ სამ მატჩში მაქსიმალურ ბრძოლას აპირებს.
