საქართველოს 19-წლამდე გოგონათა ნაკრებმა ევროპის ჩემპიონატის საკვალიფიკაციო ეტაპის პირველი რაუნდი მაჟორულ ნოტაზე დაასრულა.
ბულგარეთთან მოპოვებული გამარჯვებისა და ირლანდიასთან მარცხის შემდეგ, ლავრენტი დავითაშვილის გაწვრთნილი გუნდი ბოლო ტურში სომხეთს დაუპირისპირდა და მეტოქე დიდი ანგარიშით გაანადგურა. ამ შედეგით საქართველოს ნაკრებმა B ლიგის მეორე ჯგუფში 6 ქულა დააგროვა და სატურნირო ცხრილში მეორე ადგილი დაიკავა.
2026/27 წლების სეზონის მეორე რაუნდისთვის A ლიგის საგზურს ჯგუფების გამარჯვებულებთან ერთად, საუკეთესო მეორეადგილოსანიც მიიღებს, რაც იმას ნიშნავს, რომ ჩვენს გუნდს ელიტურ დივიზიონში დაწინაურების შანსი ჯერ კიდევ შენარჩუნებული აქვს.
B ლიგის საბოლოო შედეგები და ის, თუ ვინ გადავა A ლიგაში, 5 დეკემბერს გახდება ცნობილი.
