საქართველოს ქალთა ნაკრებმა მოლდოვას წინააღმდეგ გამართული ამხანაგური მატჩი მოიგო.
ეროვნულმა ნაკრებმა მოლდოვის წინააღმდეგ მორიგი ამხანაგური შეხვედრა ჩაატარა და მეტოქე მძიმე ბრძოლაში, ანგარიშით 1:0 დაამარცხა.
მიუხედავად იმისა, რომ კიშინეუში გამართული პირველი მატჩი ჩვენი უპირატესობით წარიმართა და გუნდმა მრავალი საგოლე მომენტი შექმნა, მაშინ გამარჯვება მასპინძელთა მხარეს დარჩა.
ამჯერად კი ჯვაროსნებმა დამსახურებულად მოიგეს. შეხვედრის ბედი ერთადერთმა და ეფექტურმა გოლმა გადაწყვიტა. 65-ე წუთზე ნათია დანელიამ საჯარიმოს სიახლოვიდან ჯარიმა შეასრულა და გუნდს გამარჯვება მოუტანა.
