სრული ქაოსი სელტასთან მარცხის შემდეგ - ალონსო გასახდელშიც კი არ ჩავიდა

მადრიდის რეალმა ლა ლიგის მე-16 ტურის მატჩი სელტასთან სენსაციურად 0:2 საკუთარ მოედანზე დათმო.

როგორც ჟურნალისტი ედუ აგირე იტყობინება, რეალის გასახდელში მატჩის შემდეგ სრული ქაოსი სუფევდა.

უცნაურია, მაგრამ გასახდელში არ შესულა და ფეხბურთელებისთვის ერთი სიტყვაც კი არ უთქვამს მატჩის შემდეგ ჩაბი ალონსოს.

სამაგიეროდ, გასახდელიდან გამოდიოდა ფეხბურთელების გაღიზიანებული საუბარი და ბოთლების სროლის ხმა. მოთამაშეთა გარკვეული ნაწილი უკიდურესად იყო გაღიზიანებული მსაჯის გადაწყვეტილებით, რომელმაც ამ მატჩში რეალის სამი (!) ფეხბურთელი გააძევა - ფრან გარსია, ალვარო კარერასი და სათადარიგოზე მყოფი ენდრიკი.

თუმცა, მეორე ნაწილი ფეხბურთელებისთვის ყველაფრის მსაჯზე გადაბრალება უადგილო იყო:

„კარგი რა, ეს ძალიან ცუდი საბაბია. ჩემპიონატს ჩვენივე ხელით ვკარგავთ." 

დანი კარვახალი, რომელმაც თამაში ტრავმის გამო გამოტოვა, აქტიურად გამოთქვამდა მსაჯით უკმაყოფილებას, თუმცა თანაგუნდელებმა შეაჩერეს: "კარგი, საკმარისია. მსაჯს ამ წაგებასთან კავშირი არ აქვს."

ორი წითელი ბარათი, მენტალურად განადგურებული გუნდი და გახლეჩა გასახდელში - ნაწილი მსაჯს ადანაშაულებს, ნაწილი საკუთარ თავს.

სიტისთან თამაშამდე ორი დღით ადრე, რეალში სიტუაცია უკიდურესად დაიძაბა, ალონსო კი შესაძლოა მწვრთნელის პოსტზე დღეებს ითვლიდეს.