სრული სიგიჟე აფრიკაში: სენეგალს აფრიკის თასის ტიტული ჩამოერთვა და მაროკოს გადაეცა

აფრიკის თასის ფინალიდან ორი თვის შემდეგ, ტურნირის შედეგები გადაიხედა და გამარჯვებული შეიცვალა.

აფრიკის ფეხბურთის კონფედერაციამ (CAF) ოფიციალურად გამოაცხადა, რომ დააკმაყოფილა მაროკოს აპელაცია და სენეგალის ნაკრებს ფინალურ მატჩში ტექნიკური მარცხი, ანგარიშით 0:3 ჩაეთვალა.

მიზეზი მატჩის მიწურულს მომხდარი ინციდენტი გახდა: 98-ე წუთზე, ბრაჰიმ დიასზე დანიშნული პენალტის შემდეგ, სენეგალის ნაკრებმა პროტესტის ნიშნად მოედანი დატოვა.

თამაში მხოლოდ 13 წუთის შემდეგ განახლდა. ბრაჰიმ დიასმა პენალტი ვერ გამოიყენა, მატჩი კი სენეგალელების გამარჯვებით (1:0) დასრულდა.

თუმცა, CAF-მა მიიჩნია, რომ მოედნის თვითნებურად დატოვება რეგლამენტის უხეში დარღვევა იყო, რამაც საბოლოო შედეგის გადახედვა გამოიწვია.