სენეგალის ფეხბურთის ფედერაცია აფრიკის თასის სკანდალურ გადაწყვეტილებას ასაჩივრებს.
სენეგალის ფეხბურთის ფედერაცია აპირებს სპორტულ არბიტრაჟს (CAS) მიმართოს და გაასაჩივროს CAF-ის გადაწყვეტილება, რმელმაც აფრიკის თასის ფინალში გამარჯვება მაროკოს მიეკუთვნა.
ოფიციალურ განცხადებაში სენეგალის მხარემ მომხდარს „უსამართლო გადაწყვეტილება“ უწოდა და ხაზი გაუსვა, რომ აპირებს „დაიცვას სენეგალური ფეხბურთის უფლებები ყველა ხელმისაწვდომი სამართლებრივი საშუალებით“.
შეგახსენებთ, რომ CAF-მა დააკმაყოფილა მაროკოს აპელაცია და სენეგალს ფინალში 0:3 წაგება ჩაუთვალა.
მიზეზად დასახელდა 98-ე წუთზე, ბრაჰიმ დიასზე დანიშნული პენალტის გამო, გუნდის მიერ მოედნის დატოვება. მიუხედავად იმისა, რომ თამაში 13 წუთის შემდეგ განახლდა, პენალტი ვერ გაიტანეს და სენეგალმა მოედანზე 1:0 მოიგო, კონფედერაციამ შედეგი მაინც გააუქმა.
